به‌پێی هه‌واڵی کوردپرێس، ڕۆژنامه‌ی "الاخبار" له‌ زاری هه‌ندێ سه‌رچاوه‌وه‌ که‌ ئه‌وانی به‌ سه‌رکرده‌ی کورد ناساندوووه‌، ڕای‌گه‌یاند: دۆخی ئێستاکه‌ی هه‌رێمی کوردستان بۆ گۆشه‌گیریی مه‌سعوود بارزانی سه‌رۆکی پارتی دیموکراتی کوردستان و دابه‌ش کردنی هه‌رێم به‌ دوو به‌شی ئیداریی هه‌ولێر و سلێمانی زۆر له‌باره‌.

ئه‌و ڕۆژنامه‌یه‌ ئاماژه‌ به‌وه‌ ده‌کات هه‌ندێک گه‌ڵاڵه‌ بۆ پێداچوونه‌وه‌ له‌ نه‌خشه‌ی سیاسیی هه‌رێمی کوردستان هه‌یه‌ و جه‌ختی کرده‌وه‌: گفتوگۆی نێوان هه‌ولێر- به‌غدا دوا که‌وتوووه‌ و باس له‌ ئه‌گه‌ری ‌دواکه‌وتنی ئه‌و گفتوگۆیه‌ تاکوو سه‌ره‌تای ساڵی نوێی زایینی ده‌کرێت بۆ ئه‌وه‌ی حه‌یده‌ر عه‌بادی سه‌رۆک وه‌زیرانی عێراق بتوانێت ئامانجه‌کانی له‌ هه‌رێمی کوردستان ده‌سته‌به‌ر بکات.

ئه‌و ڕۆژنامه‌یه‌ زیاتر ده‌نووسێت: هه‌رچه‌نێک کورده‌کان به‌ ده‌سته‌به‌ر کردنی ئارمانجه‌کانیان نزیکتر ده‌بنه‌وه‌، کێشه‌کانیان زیاتر ده‌بێته‌وه‌.

کۆدی هه‌واڵنێر: 60103