بەپێی هەواڵی کوردپرێس، وەزیری ناخۆ شەوی شەممە لە گفتوگۆ لەگەڵ کەناڵی یەکی دەنگ و ڕەنگی ناوخۆ ئاماژەی دا بە بوومەلەرزەی «کوهبنان»ی کرمان کە بوو بە هۆی زیان لێکەوتنی 300 خانوو و زیادی کرد: داڵغەی سەرەکیی ئێمە لە ڕووداوەکاندا دابەزاندنی ڕێژەی زیان لێکەوتووان و ڕێگری کردن لە لێکەوتنی خەساری زۆرترە.

ناوبراو ئاشکرای کرد: سەرەکیترین دڵەخورپێی پاش بوومەلەرزە درز بردنی بۆریی غاز و ئاگرکەوتنەوەیانە، کە لە بوومەلەرزەکانی ئەم دواییانەی تاران و کرماشان و کرمندا گرینگترین دڵەخورپێی بەرپرسان بوو.

ڕەحمانی فەزڵی سەبارەت بە هەوڵەکانی پاش بوومە لەرزەی ئەم دواییانە کرماشان وتی: لە بوومەلەرزەکەی ڕۆژئاوای وڵاتدا حەفت شار و نزیک لە 1900 گوند خەساری جیدییان لێکەوت و ڕێکخراوەکانی ئەرتەش و سوپا و مانگی سوور و بەڕێوەبەرایەتیی قەیران کەمتر لە 30 خولەک پاش ڕوودانی بوومەلەرزە لە شوێنەکە ئامادەبوون.

کۆدی هه‌واڵنێر: 60113