بەپێی هەواڵی کوردپرێس، ڤلادیمیر پووتین سەرۆک‌کۆماری رووسیا بە مەبەستی دیدار لەگەڵ ڕەجەب تەیب ئەردۆغان سەرۆک‌کۆماری تورکیا و گفتوگۆ لەبارەی پرس و بابەتەکانی سووریاوە گەیشتە ئەنقەرە.
بە گوێرەی وتەکانی دیمیتری پسکۆڤ وتەبێژی کۆشکی کرێملین، تەوەری گفتوگۆی نێوان پووتین و ئەردۆغان پرسی سووریا و چەندوچۆنی کشانەوەی هێزەکانی ڕووسیا لەو وڵاتە دەبێت.
پێش ئەوەی بگاتە تورکیا، پووتینی سەرۆک‌کۆماری ڕووسیا کورتە سەفەرێکی بۆ سووریا و میسریش کردووە و لە سووریادا فەرمانی کشانەوەی هێزەکانی ڕووسیا لەو وڵاتەی دەرکرد.
پسکۆڤ باسی لەوەش کردووە چارەسەری سیاسیی قەیرانی سووریا، کۆنگرەی گفتوگۆی نەتەوەییی سووریا و بەشداربووانی کۆنگرەکە لە دیکەی تەوەرەکانی وتووێژی نێوان پووتین و ئەردۆغان دەبێت.
سەرچاوە: هەواڵدەریی ئانادۆلۆ
کۆدی هەواڵنێر: ٦٠١٠٥
Your Comment