به‌پێی هه‌واڵی کوردپرێس، هێمن هه‌ورامی له‌ تۆڕه‌ کۆمه‌ڵایه‌تییه‌کاندا ده‌نووسێت: حه‌یده‌ر عه‌بادی سه‌رۆک وه‌زیران و فه‌رمانده‌ی گشتیی هێزه‌ چه‌کداره‌کانی عێراق له‌ لێدوانی ڕۆژی ڕابردوو (شه‌ممه‌/ 9ی دیسێمبێر) به‌ بۆنه‌ی کۆتایی هاتنی شه‌ڕ له‌گه‌ڵ داعش، سه‌رکه‌وتنی هێزه‌کانی عێراقی له‌ ئایه‌توڵڵا سیستانی مه‌رجه‌عی باڵای شیعه‌کان و حه‌شدی شه‌عبی پیرۆزبایی کرد به‌ڵام هیچ ئاماژه‌یێکی به‌ ڕۆڵی هێزی پێشمه‌رگه‌ی هه‌رێمی کوردستان له‌و شه‌ڕه‌ نه‌کرد و ئه‌وه‌ له‌ حاڵێکدایه‌ که‌ هێزه‌کانی پێشمه‌رگه‌ له‌و شه‌ڕه‌دا هه‌زار و 826 شه‌هیدیان بووه‌.

هه‌ورامی جه‌ختی کرده‌وه‌: ئه‌گه‌ر هێزه‌کانی پێشمه‌رگه‌ نه‌بووبان، عێراق تاکوو ئێستا نه‌یده‌توانی شاری مووسڵ له‌ بنده‌ستی گرووپی تیرۆریستیی داعش ئازاد بکات.

سه‌رچاوه‌: هه‌واڵده‌ریی شه‌فه‌ق نیووز

کۆدی هه‌واڵنێر: 60103