به‌پێی هه‌واڵی کوردپرێس، هه‌واڵده‌ریی ڕیانۆڤێستیی ڕووسیا ڕۆژی هه‌ینی له‌ زاری سه‌رچاوه‌یێکی ئاگاداری وه‌زاره‌تی به‌رگریی کۆماری ئیسلامیی ئێرانه‌وه‌ ڕای‌گه‌یاند: ئه‌میر حاته‌می وه‌زیری به‌رگریی ئێران به‌م زووانه‌ سه‌ردانی ڕووسیا ده‌کات.

هه‌واڵده‌رییه‌که‌ زیادیشی کردووه‌: وه‌زیری به‌رگریی ئێران له‌و سه‌ردانه‌دا بڕیاره‌ له‌گه‌ڵ سێرگه‌ی شۆیبۆ وه‌زیری به‌رگریی ڕووسیا دیدار بکات و سه‌باره‌ت به‌ هاوکاریی سه‌ربازیی نێوان مۆسکۆ و تاران و دوایین گۆڕانکارییه‌کانی ناوچه‌که‌ له‌گه‌ڵ وه‌زیری به‌رگریی ڕووسیا گفتوگۆی هه‌بێت.

کۆدی هه‌واڵنێر: 60103