بەپێی هەواڵی کوردپرێس، یاسین عیزەدین جێگری لێپرسراوی مەڵبەندی کەرکووکی یەکێتیی ڕای­گەیاند: لە ئێستادا ژمارەیێک لە ئاسایشی سەر بە پارتی گەڕاونەتەوە سنووری کەرکووک و خێزانەکانیشیان گەڕاندۆتەوە بۆ ناو ماڵەکانی خۆیان.
یاسین عیزەدین وتیشی: ئەو کەسانەی پلەدارن و سەر بەئاسایشی پارتین و پلەی باڵایان لە ئاسایشدا ھەیە نەگەڕاونەتەوە بۆ کەرکووک، بۆ ئەوەش چاوەڕوانی بڕیاری سیاسی حزبەکەیان دەکەن و تا ئەو کاتەش پارتی بڕیار نەدات ناگەڕێنەوە شارەکە.
بەرپرسەکەی یەکێتیی ئەوەشی ڕوون کردەوە: مووچەی تەواوی ھێزەکانی ئاسایشی کەرکووک لەلایەن حکوومەتی ھەرێمەوە دابین دەکرێت و ھیچ بڕیارێکیش بۆ ڕاگرتنی مووچەی کارمەندانی ئاسایشی کەرکووک نەدراوە.
سەبارەت بەڕەوشی کەرکووکیش بەرپرسەکەی یەکێتیی جەختی کردەوە: دۆخی ئەمنیی شاری کەرکووک جێگیرە و بەو شێوازە نییە کە باسی لێوە دەکرێت، ئەوەشی ھەیە تەنھا بوونی ھێزەکانی سەر بە سوپای عێراقە لە چەند ناوچەیێکی شارەکە.
سەرچاوە: SNN
کۆدی هه‌واڵنێر: 60113
Your Comment