به‌پێی هه‌واڵی کوردپرێس، مه‌حموود عوسمان به ماڵپه‌ڕی هه‌واڵی "بغداد الیوم"ی وتووه: هه‌ڵوێستی ئه‌مریکا که گوتوویه‌تی ته‌نها له‌سه‌ر داوای ده‌وڵه‌تی فیدڕاڵ ئاماده‌یه نێوه‌ندگیریی نێوان به‌غدا و هه‌ولێر بکات هه‌ڵوێستێکی نوێ نییه. من پێشتریش گوتبووم ئه‌مریکا مونافیقه و ئه‌و وڵاته پێوه‌ندیی خۆی له‌گه‌ڵ هه‌رێمی کوردستان ده‌خاته پله‌ی دووهه‌می پێوه‌ندییه‌کانی له‌گه‌ڵ به‌غدا و سه‌رکرده کورده‌کانیش له‌وه‌ی که متمانه‌یان به ئه‌مریکییه‌کان کرد که پاڵپشتییان بکات به هه‌ڵه‌دا چوون.
ناوبراو هه‌روه‌ها ئاماژه‌ی به‌وه‌ش کرد ئه‌مریکییه‌کان پێشتریش هه‌ڵوێستی هاوشێوه‌یان هه‌بووه بۆ پشت کردن له کورده‌کان له‌سه‌ر پرس و قۆناغه جۆربه‌جۆره‌کان هه‌ر بۆیه‌ش نابێت کورد پشت به دووبه‌ره‌کی نانه‌وه‌ی واشنتۆن ببه‌ستێت.
مه‌حموود عوسمان زیادی کرد: واشنتۆن له ڕابردووشدا به‌هۆی به‌رژه‌وه‌ندییه‌کانی خۆیه‌وه له شه‌ڕی دژ به داعش پاڵپشتیی کوردی کردبوو و بووه هۆی ئه‌وه‌ی کورد ئه‌و پاڵپشتییه به پاڵپشتییێکی هه‌میشه‌یی بزانێت.
کۆدی هه‌واڵنێر: 60103
Your Comment