کوردپرێس:

ڕۆژی یەکشەمە 31ی کانوونی دووهەمی 2021 وەزارەتی تەندروستیی حکوومەتی هەرێمی کوردستان لە بەیانێکدا نوێترین داتاکانی تایبەت بە کۆرۆنای بڵاو کردەوە و بەو پێیەش لە ماوەی 24 کاتژمێری ڕابردوودا 50 حاڵەتی نوێی توشبوون تۆمار کراوە.

وەزارەتی تەندروستیی هەرێمی کوردستان ڕاشیگه‌یاند، دوو تووشبوی كۆرۆنا له‌ پارێزگای سلێمانی گیانیان له‌ده‌ستداوه‌.

له‌ڕاگه‌یه‌ندراوه‌كه‌دا هاتووه‌، 50 تووشبووی نوێی ڤایرۆسەکە دەستنیشان کراون و دوو تووشبووش گیانیان لەدەستداوە، هاوکات 418 تووشبووی پێشووش چاکبوونەتەوە.

لە ماوەی 24 کاژێردا تەنیا دوو کەس لە هەرێمی کوردستان بە کۆرۆنا گیانیان لەدەستداوە کە هەردووکیان لە پارێزگای سلێمانین.

تووشبووەکان بەمشێوەیە بەسەر پارێزگاکان دابەشبوون:

هەولێر: 8 تووشبوو

سلێمانی: 23 تووشبوو

دهۆك: 19 تووشبوو

هاوکات 418 تووشبووی پێشوو چاکبوونەتەوە:

هەولێر: 53 چاکبوونەوە

سلێمانی: 83 چاکبوونەوە

دهۆك: 282 چاکبوونەوە

ئاماری گشتی:

پشکنینەکان: 1054128 پشکنین

تووشبووان: 106078 تووشبوو

چاکبووان: 98796 کەس

ئەوانەی لەژێر چارەسەردان: 3812 کەس

گیانلەدەستدان: 3470 کەس

وەزارەتی تەندروستی داوا لە هاونیشتمانیان دەکات پابەندبن بە رێنماییەکانی تەندروستی و دوورکەوتنەوە لە شوێنی قەڵەبالخ و پۆشینی ماسک و دەستکێش، لەکاتی پێویستیشدا پەیوەندی بکەن بە هێڵی گەرمی ژمارە 122.