به‌پێی هه‌واڵی کوردپرێس، ئێسکه‌نده‌ر وتووت ڕای­گه‌یاندووه: ئه‌مریکا به‌تایبه‌ت پاش زاڵبوونی داعش به سه‌ر هه‌ندێک ناوچه‌ی عێراقدا ده‌ستی داوه‌ته دامه‌زراندنی بنکه‌ی سه‌ربازیی له ناوچه جۆربه‌جۆره‌کانی عێراق و ئێستاش به مه‌به‌ستی فراوان کردنی ئه‌و بنکه سه‌ربازییانه و زیادتر کردنی هژموونیی خۆی و جێبه‌جێ کردنی پڕۆژه‌کانی له عێراق هه‌وڵ ده‌دات.
وتووت ئاماژه‌ی به‌وه‌ش کرد: ئێستاکه زیاتر له ده هه‌زار هێزی سه‌ربازی و ڕاوێژکاری ئه‌مریکی به پاساوی مه‌شق کردن به هێزی عێراقی هاتوونه‌ته ناوچه‌که و هه‌ڵوێستی ده‌وڵه‌تی فیدڕاڵیش بۆ به‌رده‌وام بوونی هه‌بوونی ئه‌و هێزانه له عێراق کاریگه‌ر بووه.
ناوبراو جه‌ختی کردووه‌ته‌وه: هه‌بوونی هێزی ئه‌مریکی له عێراق ناشه‌رعی و ناده‌ستوورییه چونکه له ڕێککه‌وتنامه‌یێکی ستراتێژیکی واژۆ کراوی نێوان عێراق و ئه‌مریکا هیچ بڕگه‌یێک سه‌باره‌ت به هه‌بوونی هێزی ئه‌مریکی له عێراق یان دامه‌زراندنی بنکه‌ی سه‌ربازیی ئه‌مریکی له خاکی ئه‌و وڵاته‌دا نابینرێت.
سه‌رچاوه: "الموقف العراقی"
کۆدی هه‌واڵنێر: 60104
Your Comment