به‌پێی هه‌واڵی کوردپرێس، سه‌عد حه‌دیسی وته‌بێژی نووسینگه‌ی ڕاگه‌یاندنی حه‌یده‌ر عه‌بادی سه‌رۆک­وه‌زیرانی عێراق له لێدوانێکدا بۆ "المعلومه" سه‌باره‌ت به داواکارییه‌که‌ی ئیمانوێل ماکرۆن بۆ سڕینه‌وه‌ی ناوه‌ناوه‌ی حه‌شدی شه‌عبی وتی: ڕێکخراوی حه‌شدی شه‌عبی به‌شێکه له پێکهاته‌ی ئه‌منیی عێراق و دامه‌زراندنیشی له لایه‌ن په‌رله‌مانی وڵاته‌وه په‌سند کراوه بۆیه‌ش ئه‌م بابه‌ته ته‌واو ناوخۆیییه.
حه‌دیسی زیادیشی کرد: عێراق داوا ده‌کات هه‌موو وڵاتان ڕێز له سه‌ربه‌خۆیی و به‌رژه‌وه‌ندییه نه‌ته‌وه‌ییه‌کانی عێراق بگرن و له‌و بابه‌ته تێبگه‌ن.
شیاوی ئاماژه‌یه که سه‌رۆک ­کۆماری فه‌ڕه‌نسا ڕۆژی شه‌ممه/ 11ی سه‌رماوه‌ز داوای له به‌رپرسانی عێراق کرد هه‌موو گرووپه میلیشیا عێراقییه‌کان له‌وان حه‌شدی شه‌عبی بسڕنه‌وه و ماده‌ی 140ی ده‌ستووری عێراق تایبه‌ت به ناوچه کێشه‌له‌سه‌ره‌کانی نێوان هه‌ولێر-بهغدا جێبه‌جێ بکه‌ن.
کۆدی هه‌واڵنێر: 60104
Your Comment