بەپێی هەواڵی کوردپرێس سه‌رله‌به‌یانیی ئه‌مڕۆ 1ی كانونی یه‌كه‌می 2017، نێچیرڤان بارزانی به‌یاوه‌ریی وه‌فدێكی باڵای حكوومه‌تی هه‌رێم گه‌یشته‌ توركیا و له‌ڕێگه‌ی فرۆكه‌خانه‌ی (شه‌ره‌فه‌دین ئه‌لچی)ی شڕناخی توركیاوه‌ به‌ره‌و فه‌ره‌نسا به‌ڕێ كه‌وت.

هه‌ر به‌گوێره‌ی زانیارییه‌كان، وه‌فده‌كه‌ی هه‌رێم له‌گه‌ڵ سه‌رۆكی فه‌ره‌نسا كۆ ده‌بێته‌وه ‌و بڕیاریشه‌ ئێواره‌ی سبه‌ینێ شه‌ممه‌ بگه‌ڕێنه‌وه‌ بۆ هه‌رێمی كوردستان و تا ئێستاش ئامانجی سه‌ردانه‌كه‌ نه‌زانراوه‌.

له‌باره‌ی هۆكاری سه‌ردان كردنی وه‌فده‌كه‌ی هه‌رێم بۆ توركیا، له‌زانیارییه‌كاندا ئه‌وه ‌خراوه‌ته‌ ڕوو، به‌هۆی داخستنی گه‌شتی نێوده‌وڵه‌تیی فڕۆكه‌خانه‌كانی هه‌رێم له‌لایه‌ن به‌غداوه‌، سه‌ردانه‌كه‌یان له‌ڕێگه‌ی ده‌روازه‌ی ئیبراهیم خه‌لیل و توركیاوه‌ بۆ فه‌ره‌نسا ئه‌نجام داوه‌.

سەرچاوە: SNN