به‌پێی هه‌واڵی کوردپرێس، نووره‌ددین جانیکلی وه‌زیری به‌رگریی تورکیا وتی: تاکوو ساڵی 2023 پڕۆژه‌ی دروست کردنی فڕۆکه‌ی جه‌نگیی ئه‌و وڵاته‌ به‌ ناوی TF-X ته‌واو ده‌بێت.

ناوبراو جه‌ختی کرد: "له‌ كه‌مترین ماوه‌دا گشت ھه‌نگاوه‌كانی دروست کردنی ئه‌و فڕۆکه‌یه‌ جێبه‌جێ ده‌كه‌ین و هیچ شتێک دوا ناكه‌وێت."

ناوبراو وتیشی: "له‌ بواری گواستنه‌وه‌ی ته‌كنه‌لۆژیا هاوكاری له‌ زۆر وڵات وه‌رگیراوه‌ و به‌ریتانیاش یه‌كێكه‌ له‌و وڵاتانه‌یه‌."

وه‌زیری به‌رگریی تورکیا له‌باره‌ی کڕینی سیسته‌می به‌رگریی مووشه‌کی S-400 له‌ ڕووسیاش ڕاشی‌گه‌یاند: ئه‌و سیسته‌مه‌ تاکوو ساڵی 2019 ڕاده‌ستی تورکیا ده‌کرێت.

ناوبراو ئاشکراشی کرد: کڕینی ئه‌م سیسته‌مه‌ له‌لایه‌ن تورکیاوه‌ هیچ هه‌ڕه‌شه‌یێکی بۆ سه‌ر ناتۆ نابێت.

سه‌رچاوه‌: هه‌واڵده‌ریی ئانادۆڵو

کۆدی هه‌واڵنێر: 60103