به‌پێی هه‌واڵی کوردپرێس، دادگه‌یێکی ئه‌نقه‌ره‌ داواکه‌ی داواکاری دۆسیه‌ی دوو مامۆستای ناڕازی نوورییه‌ گوڵمه‌ن و سه‌میح ئۆزاکچا بۆ ئازاد کردنی به‌ مه‌رجی گوڵمه‌ن به‌هۆی نه‌خۆشینه‌وه‌ ڕه‌ت ده‌کاته‌وه‌.

گوڵمه‌ن له‌گه‌ڵ ئۆزاکچا زیاتر له‌ 250 ڕۆژه‌ مانیان له‌ خواردن گرتووه‌ و به‌هۆی لێکه‌وته‌ی مانگرتنه‌وه‌ له‌ نه‌خۆشخانه‌ خه‌وێندراون و داواکاری دۆسیه‌که‌ش به‌و پاساوه‌ی ئه‌گه‌ری هه‌ڵاتنی ناوبراو نییه‌ داوای ئازاد کرانی کردبوو.

گوڵمه‌ن و ئۆزاکچا پاش ناڕه‌زایه‌تی ده‌ربڕین به‌رانبه‌ر له‌ کار ده‌رکرانیان پاش کووده‌تای 15ی جووڵای ده‌ستیان داوه‌ته‌ مانگرتن له‌ خواردن به‌ڵام به‌ تۆمه‌تی هاوکاری کردن له‌گه‌ڵ تیرۆریزم ده‌ستگیر و به‌ند کراون.

سه‌رچاوه‌: حوڕییه‌ت

کۆدی هه‌واڵنێر: 60103