بەپێی هەواڵی کوردپرێس، موجتەبا نیک کردار لە کۆبوونەوەی بەرپرسانی باڵای پارێزگای کرماشان لەگەڵ وەزیری کار و پرسە کۆمەڵایەتییەکان و شاندی یاوەریدا کە ڕۆژی چوارشەمە لە شاری سەرپێڵی زەهاو بەڕێوەچوو ڕای گەیاند: کرماشان پتانسیێلی زۆری لە بواری وەرزێری، بازرگانی و گەشتیاریدا هەیە.
ناوبراو درێژەی دا: سەرەڕای هەموو بەستێنەکانی گەشەسەندن، کرماشان پلەی یەکەمی بێکاریی لە وڵاتدا هەیە و لە ڕیزی پارێزگا گەشەنەسەندووەکاندایە.
جێگری ئاوەدانکاریی پارێزگاری کرماشان ڕوونی کردەوە: پڕۆژەی ناوچەی ئازادی بازرگانیی قەسری شیرین چاوەڕێی پەسەند کردنی پەرلەمانە و لەم دۆخەدا دەتوانێت ڕێژەی بێکاری دابەزێنێت و گەشە بداتە ئابووری ناوچەکە.
نیک کردار وەبیری هێنایەوە: دەبێت ڕەخساندنی هەلی کار و چاکسازیی دۆخی ژیانی خەڵک بخرێتە ئەولەویەتەوە ئەگینا تەنانەت ئەگەر خانووی لێقۆماوان چاک بکرێتەوە شارەکەیان چۆڵ دەکەن.
کۆدی هه‌واڵنێر: 60113
Your Comment