بەپێی هەواڵی کوردپرێس، ئەنجومەنی سەربازیی گرێ سپی ڕایدەگەیێنێت لە درێژەی کارەکانیان بۆ دامەزراندنی ناوچەی ئارام لە ڕۆژهەڵاتی فورات، هێزەکانیان دەستیان کردووە بە کشانەوە لە سەر سنووری گرێ سپی.
خەلیل حەلفۆ، فەرماندەی هێزەکانی سووریای دیموکرات بە هاوار نیووزی وتووە: لەسەر ڕێکەوتنەکەی ئەمەریکا و تورکیا و هێزەکانی سووریای دیموکرات قۆناغێکی دیکەی دابین کردنی ئاسایشی ناوچەی ئارام لە ڕۆژهەڵاتی فورات جێبەجێ کرا و هێزەکانی سووریای دیموکرات لەژێر چاودێریی ئەمەریکا بنکەی و ناوەندە سەربازییەکانی خۆیان لە نێوان گوندی نیس تەل تا گرێ سپی چۆڵ کردووە و بە قووڵایی 5 کیلۆمەتر کشانەوە.
فەرماندەی ئەنجومەنی سەربازیی گرێ سپی ڕایگەیاند دابین کردنی ئاسایشی ئەم ناوچەیە کە چۆڵ کراوە داروەتە دەستی هێزە سنوور پارێزەکان.
کۆدی هەواڵنێر: 60113
Your Comment