کوردپرێس:
حاته‌م تائی وته‌بێژی ئه‌نجومه‌نی عه‌ره‌بی له که‌رکووک بۆ (كه‌ركووک ناو)ی گوت: ڕۆژی سێشه‌ممه 17ی ئه‌یلوولی 2019 هێزێكی دژه‌تیرۆر له سلێمانییه‌وه 90 ده‌ستگیركراویان بردۆته كه‌ركووک و ڕاده‌ستی هێزه ئه‌منییه‌كانی شاره‌كه‌یان كردۆته‌وه.
پێشتر و زیاد له جارێک ئه‌نجومه‌نی سیاسیی عه‌ره‌بى له ڕێی گردبوونه‌وه‌ی ناڕه‌زایی و كۆنگره‌ی ڕۆژنامه‌وانییه‌وه داوای چاره‌نووسی ده‌ستگیركراوانی كردووه لای هێزه ئه‌منییه كوردییه‌كان و له‌و چوارچێوه‌یه‌شدا له ته‌مموزی ئه‌مساڵدا ناوی 1000 بێسه‌روشوێنی ڕاده‌ستی ڕاكان سه‌عید پارێزگاری که‌رکووک كرد كه هه‌ر دوو ئاسایشی یه‌كێتی و پارتیان به بێسه‌روشوێنكردنیان تۆمه‌تبار كرد.
وته‌بێژی ئه‌نجومه‌نی عه‌ره‌بی وتی: "دوای ئه‌و خۆپیشاندان و ناڕه‌زایه‌تییانه‌ی ئه‌نجاممان دابوو له دژی ده‌زگا ئه‌منییه‌کانی هه‌رێمی کوردستان، ده‌زگای دژه‌تیرۆری سلێمانی وه‌کوو ده‌ستپێشخه‌رییێکی چاکه 90 ده‌ستگیركراوی له نه‌ته‌وه‌ی عه‌ره‌ب گه‌ڕانده‌وه بۆ كه‌ركووک".
کۆدی هه‌واڵنێر: 60103
Your Comment