بەپێی هەواڵی کوردپرێس، مارتینج راتس توێژەری پەیمانگەی مۆرگان ستانلی و سەرۆکی بەشی ئەورووپیی لێکۆڵینەوەی نەوت و گازی ئەو پەیمانگەیە لە نوێترین لێکدانەوەی خۆیدا لە بارەی داهاتووی بازاری نەوت دەڵێت: تەنگەژەکانی ئەم دواییەی نێوان هەرێمی کوردستان و حکوومەتی ناوندیی عێراق پاش گشتپرسیی هەرێم کاریگەریی نەرێنی لە سەر بەرهەم هێنان و هەناردە کردنی نەوت داناوە.
ئەم توێژەرە باس لەوەش دەکات پاش ڕیفراندۆمەکەی هەرێم و وەدیهاتنی کێشە لە نێوان هەولێر و بەغدا ڕێژەی بەرهەم هێنانی نەوت دابەزیوە و هەناردەی نەوت لە هەرێمەوە بۆ تورکیاش بە ڕێژەیێکی زۆر کەمی کردووە.
ناوبراو ئاماژە دەکاتە هێڵی بۆریی نەوت لە کەرکووکەوە بۆ بەندەری جیحانی تورکیا و دەشڵێت: لە ئێستادا لە باکووری عێراق نەوت تەنیا لە ڕێگای تەنکەر و هێڵی بۆریی هەرێمی کوردستانەوە هەناردە دەکرێت و ئەمەش بە واتای سنووردار بوونەوەی هەناردەی نەوت لە هەرێمەوە بۆ بازەڕاکانی جیهانە.
سەرچاوە: گۆڤاری فۆربس
کۆدی هه‌واڵنێر: 60113ش
Your Comment