بەپێی هەواڵی کوردپرێس: ڕۆژی دووشەممە 16ی 9ی 2019، قوباد تاڵەبانی، جێگری سەرۆكوەزیرانی هەرێمی كوردستان، پێشوازیی كرد لە ڕیكاردۆ ڕۆدریگز، سەرۆكی ئۆفیسی هەولێری تیمی نەتەوە یەكگرتوەكان لە عێراق "یونامی".

قوباد تاڵەبانی، جێگری سەرۆكوەزیران، لە کۆبوونەوەکەدا ئاماژەی بەوەكرد بەرەوپێشچوونی باش هەیە لە ڕەوتی گفتوگۆكانی نێوان هەولێر و بەغدا بەئاڕاستەی چارەسەركردنی كێشە هەڵپەسێردراوەكان و تێگەشتنی باشتر هەیە لەو بارەیەوە.

لە دیدارەكەدا، قوباد تاڵەبانی جەختی كردەوە دەستووری هەمیشەیی عێراق بنەمایێكی باش و چوارچێوەیێكی كۆكەرەوەیە بۆ چارەسەرەكان.

لەبەشێكی تری دیدارەكەدا هەردوولا تیشكیان خستە سەر دوا گۆڕانكارییەكانی عێراق و ناوچەكە بەشێوەیێكی گشتی لە سایەی ئەو پێشهاتانەی بەمدواییانە بوونەتە جێگەی باس.

کۆدی هەواڵنێر: 60113