کوردپرێس: لە راگەیەنراوێکدا وەزارەتى دەرەوەى ئێران رایگەیاند: لە پەراوێزى کۆبوونەوەى ساڵانەى نەتەوەیەکگرتووەکان هیچ پلانێک بۆ کۆبوونەوەی حەسەن رۆحانی لەگەڵ دۆناڵد ترەمپدا بوونى نییە.
مووسەوی وتەبێژی وەزارەتی دەرەوە جەختیشی کردەوە هەر کۆبوونەوەیێک لەگەڵ ئەمریکا پەیوەستە بە لابردنى سزاکانى سەر ئێران و گەڕانەوە بۆ رێککەوتنە ئەتۆمییەکە.
سەبارەت بە لێدوانەکانى سەرۆکى ئەمریکا بۆ بینینى حەسەن رۆحانی سەرۆک کۆماری ئێران، وەزارەتى دەرەوەى ئێران راشیگەیاند: ئەمریکا لەسەر دوژمنایەتی کردنى ئیران بەردەوامە و سزاکانى هەڵنەگرتووە چۆن باس لە کۆبوونەوە دەکرێت.
پێشتر سەرۆکى ئەمریکا رایگەیاندبوو، پێی باشە لە پەراوێزى کۆبوونەوەى نەتەوەیەکگرتووەکان چاوى بە روحانى بکەوێت ئەگەر ئەو خواستى لەسەر بێت.
کۆدی هەواڵنێر: 60113
Your Comment