بەپێی هەواڵی کوردپرێس، سامر غەزبان وەزیری نەوتی عێراق لە گوتەیێكیدا لەكاتی دەستپێكردنی كارەكانی كۆنگرەی وزەی نێودەوڵەتی لە شاری بەغدا وتی: "كەرتی وزە لەلایەن ئەنجومەنی وەزیران و حكوومەت و دەسەڵاتی یاسادانانەوە گرنگییێكی زۆری پێدەدرێت".
ناوبراو وتیشی: "كەرتی نەوت جوڵێنەری سەرەكی ئابورییە و سەرچاوەی سەرەكی داهاتە بەشێوەیێک، كە داهاتی نەوت 90%ی بودجەی عێراق پێكدەهێنێت".
هەروەها وەزیری نەوتی عێراق باسی لەوەكرد، وەزارەت گرنگی زۆر بە ژینگەی كار و گەشەپێدانی كەرتی نەوت دەدات، هەر لەبەر ئەوە حكوومەت لە رێگەی وەزارەتی نەوتەوە هەوڵی جێبەجێ كردنی پرۆژەی گەورە دەدات لەكەرتی غازدا.
سامر غەزبان وتیشی: "حكوومەت پێشوازی لە وەبەرهێنەران و پیاوانی كار دەكات و سوورە لەسەر چاكسازی لە ناوەندی كاردا".
سەرچاوە: سۆمریە نیووز
کۆدی هەواڵنێر: 60113
Your Comment