کوردپرێس:

ڕۆژی دووشەممە 9ی ئەیلوولی 2019 حزب و لایەنە سیاسییە كوردستانییەكانی كەركووك لە بارەگای حزبی شیوعیی كوردستان كۆ بوونەوە و لەبارەى دۆخى شارەکە و هەڵبژاردنى ئەنجومەنى پارێزگاکان گفتوگۆیان کرد.

لە کۆبوونەوەی لایەنە کوردستانییەکاندا حیزبە کوردییەکان گەیشتنە ئەو ڕێککەوتنە کە بە یەک لیستی بەشداریی هەڵبژاردنی ئەنجومەنی پارێزگای کەرکووک بکەن و ئەوەش سەرکەوتنێکی سیاسی بۆ لایەنە کوردستانییەکان دەبێت کە پاش چەندین کۆبوونەوە هاتۆتە دی.

شارپریس لە هەواڵێکدا ڕایگەیاندووە لە کۆبوونەوەکەى ئەمرۆدا پارتى بەشدارىی نەکردووە، بەڵام بە پەیوەندیى تەلەفۆنى هاوڕایی خۆى لەسەر یەک هەڵوێستیى لایەنە کوردییەکان دەربڕیوە.

کۆدی هەواڵنێر: 60101