کوردپرێس:

به‌ گوێره‌ی ئه‌و زانیارییانه‌ی له‌ سه‌رچاوه‌ خۆجێییه‌کانه‌وه‌ ده‌ست که‌وتووه‌ ئه‌مریکا کاروانێکی سه‌ربازی بریتی له‌ 60 لۆریی یارمه‌تیی لۆجستیکی بۆ ناوچه‌ی ژێر کۆنتڕۆڵی سوپای سووریای دیموکرات ڕه‌وانه‌ کردووه‌.

کاروانه‌ سه‌ربازییه‌که‌ی ئه‌مریکا که‌ ڕۆژی هه‌ینی 6ی ئه‌یلوولی 2019 له‌ سنووری سێمیلکای هه‌رێمی کوردستان چۆته‌ ناو خاکی سووریا سه‌رله‌به‌یانیی ڕۆژی شه‌ممه‌ 7ی ئه‌یلوولی 2019 به‌ره‌و قامیشڵۆ به‌ڕێکه‌وتووه‌ که‌ ئۆتۆمبێلی زرێپۆش، که‌ره‌سته‌ی ڕێگاوبان، تانکه‌ری سووته‌مه‌نی، ژێنراتۆری کاره‌با و کانکس له‌خۆ ده‌گرێته‌وه‌.

پشتیوانییه‌ سه‌ربازییه‌که‌ی ئه‌مریکا بۆ هه‌سه‌ده‌ له‌ حاڵێکدا ئه‌نجام ده‌درێت که‌ تورکیا گوشارێکی زۆری خستۆته‌ سه‌ر ئه‌و وڵاته‌ بۆ ئه‌وه‌ی سوپای سووریای دیموکرات وه‌ک لقی سووریی په‌که‌که‌ و گرووپێکی تیرۆریستی بناسێنێت و ڕه‌خنه‌یێکی زۆریش له‌ ڕه‌وانه‌کردنی کاروانه‌ سه‌ربازییه‌کانی ئه‌مریکا بۆ سووریا ده‌گرێت.

سه‌رچاوه‌: هه‌واڵده‌ریی KRDnews

کۆدی هه‌واڵنێر: 60103