به‌پێی هه‌واڵی کوردپرێس، ئێواره‌ی ڕۆژی هه‌ینی 30ی ئابی 2019 عه‌مار حه‌کیم سه‌رۆکی ڕه‌تی حیکمه له لێدوانێكدا له مه‌یدانى خه‌لانیی شارى به‌غدا له به‌رده‌م ژماره‌یێكى زۆر خه‌ڵكدا وتى: "عێراق كۆگاى هیچ چه‌كێک نییه عێراقى نه‌بێت هه‌روه‌ها ئاسمانه‌كه‌ى مه‌یدانى هیچ ده‌ستدرێژییێكى ده‌ره‌كى نییه، زۆر له مه‌رامه‌كانى ده‌ستدرێژیكاران زیره‌كتره ئیسرائیل بێت یان هه‌ر لایه‌نێكى‌تر و هان نادرێت و ناخڵه‌تێندرێت بۆ ئه‌وه‌ى له‌سه‌ر حسابى خۆى شه‌ڕى به وه‌كاله‌ت بكات."
ناوبراو سه‌باره‌ت به هێرشه‌کانی ئه‌مدواییه بۆ سه‌ر کۆگای چه‌کی حه‌شدی شه‌عبی له ژماره‌یێک له پارێزگاکانی عێراق وتیشى: مه‌ترسیدارترین شت تووشى حه‌شدى شه‌عبى بێت ئه‌وه‌یه له چوارچێوه‌ى یاسا ده‌رچێت و به‌ئامانجگرتنى ئه‌و هێزه به‌ئامانجگرتنى سه‌روه‌ریى عێراقه و رێگه به‌وه ناده‌ین.
سه‌رۆكى ڕه‌وتى حیكمه سه‌باره‌ت به ڕه‌خنه‌كانیان له حكوومه‌تى عیراق و هه‌ڵوێستیان وتى: "له كاتێكدا كه ڕه‌خنه‌كانمان له‌سه‌ر هه‌نگاوه‌كانى حكوومه‌ت تۆمار ده‌كه‌ین به‌یه‌كه‌وه له‌پێناو ده‌وڵه‌ته‌كه‌ماندا ده‌وه‌ستین، ئێمه ئۆپۆزسیۆنى حكوومه‌تین نه‌ک ده‌وڵه‌ت و داواش له كوتله سیاسییه‌كان ده‌که‌ین ڕێگه به خاوه‌ن وتاره تاییفیه‌كان نه‌ده‌ن یه‌كگرتووییان بخه‌نه مه‌ترسییه‌وه و ڕێگه نه‌ده‌ن به بێ لێپرسینه‌وه ده‌ربازیان بێت".
سه‌رچاوه: هه‌واڵده‌ریی سۆمه‌ریه نیووز
کۆدی هه‌واڵنێر: 60103
Your Comment