به‌پێی هه‌واڵی کوردپرێس، عه‌لی به‌یاتی ئه‌ندامی کۆمیسیۆنی مافی مرۆڤی عێراق گوتی: له‌م وڵاته‌دا بۆ 18 هه‌زار و 306 تۆمه‌تباری تیرۆریزم حوکمی له‌سێداره‌دان یان زیندانی هه‌تاهه‌تایی ده‌رکراوه.
ناوبراو زیادی کرد: له ساڵی 2005ی زایینییه‌وه تا ئێستا به گشتی حوکمی سێداره بۆ زیاتر له 900 که‌س له وڵات جێبه‌جێ کراوه.
به‌یاتی ڕاشی‌گه‌یاند: ده‌زگای دادی عێراق بۆ ده‌رکردنی حوکمه‌کانی پشت به یاسای به‌ره‌نگاربوونه‌وه‌ی تیرۆریزم ده‌به‌ستێت که به‌پێی ئه‌و یاسایه هه‌ر که‌سێک کرده‌وه‌ی تیرۆریستی ئه‌نجام دابێت یان ده‌ستی له هاندان، دابین‌کردنی دارایی و ئاسانکاری بۆ بابه‌تی تیرۆریزم بووبێت حوکمی له‌سێداره‌دانی بۆ ده‌رده‌کرێت و بۆ ئه‌و که‌سانه‌ی که جینایه‌تکاران ده‌شارنه‌وه حوکمی هه‌تاهه‌تایی ده‌رده‌کرێت.
سه‌رچاوه: ڕۆژنامه‌ی شه‌رقولئه‌وسه‌تی له‌نده‌ن
کۆدی هه‌واڵنێر: 60103
Your Comment