هومایوون هاشمی نوێنه‌ری میاندواو له په‌رله‌مانی ئێران له دیمانه له‌گه‌ڵ هه‌واڵده‌ریی کوردپرێسدا ئاماژه‌ی به‌وه کرد که کاربه‌ده‌ستانی ئێران به‌رپرسی سه‌رجه‌م ئیتنیک و که‌مینه ئایینییه‌کانی وڵاتن که‌واته ده‌بێ بتوانن له هه‌موو ده‌فرایه‌تییه‌کانی وڵات که‌ڵک وه‌ربگرن و ئه‌و ده‌فرایه‌تییانه له‌پێناو به‌رژه‌وه‌ندیی نیشتیمانی به‌کار بێنن.
ناوبراو زیادی کرد: به‌شداریی بێ‌هه‌ڵاوارده‌ییی هاووڵاتییان له پۆسته جۆراوجۆره‌کان کارێکی شایسته‌یه هه‌روا که له ئێستادا هه‌موو که‌مینه ئایینییه‌کان پۆست و نوێنه‌ریان له په‌رله‌ماندا هه‌یه.
هاشمی جه‌ختی کرده‌وه: ده‌بێ پۆتانسییه‌لی وڵات به شێوه‌ی نیشتیمانی و مه‌یدانی له‌به‌رچاو بگیردرێت بۆ ئه‌وه‌ی ڕێخۆشکه‌ر بێت بۆ گه‌شه‌پێدانی ناوچه‌کان و ئه‌وه‌ش ئه‌رکی سه‌ر شانی ده‌وڵه‌ته. تا هه‌ر ڕاده‌یێک ده‌وڵه‌ت بۆ به‌خزمه‌ت‌گرتنی هه‌ڵکه‌وتووه‌کانی وڵات به شێوه‌ی ئه‌رێنی هه‌نگاو هه‌ڵبگرێت پێشڕه‌وتێکی به‌رچاوتر دێته‌دی.
کۆدی هه‌واڵنێر: 60103
Your Comment