به‌پێی هه‌واڵی کوردپرێس، مه‌حموود شێخ وه‌هاب له‌ گفتوگۆ له‌گه‌ڵ ماڵپه‌ڕی هه‌واڵی "بغداد الیوم"دا ئاماژه‌ی به‌وه‌ کرد ئێمه‌ پێشوازی له‌ سه‌ردانی وه‌فدی پارتی بۆ به‌غدا ده‌که‌ین و وتی: ده‌بێت ئه‌و سه‌ردانه‌ ئیزن به‌ پارته‌ به‌رهه‌ڵستکاره‌ کوردستانییه‌کان بدات له‌ حکوومه‌تی هه‌رێمی کوردستان ڕۆڵێکیان هه‌بێت و په‌رله‌مانی کوردستان کارا بکرێته‌وه‌.

شێخ وه‌هاب ئاماژه‌ی به‌وه‌ش کرد ئه‌گه‌ر هه‌ڵوێستی کورده‌کان یه‌کسان نه‌بێت و وه‌فدی کورد که‌ بڕیاره‌ سه‌ردانی به‌غدا بکات نوێنه‌ری سه‌رجه‌م پارته‌ سیاسییه‌کانی کوردستان نه‌بێت ناتوانێت له‌و سه‌ردانه‌ سه‌رکه‌وتنێک وه‌ده‌ست بێنێت.

ناوبراو جه‌ختی کرد: ئێمه‌ ده‌مانه‌وێت له‌ ڕێگای هه‌ندێ که‌سایه‌تیی تواناوه‌ له‌باره‌ی ماف و ده‌ستکه‌وته‌کانمان له‌گه‌ڵ به‌غدا گفتوگۆ بکه‌ین.

کۆدی هه‌واڵنێر: 60103