کوردپرێس:
به‌گوێره‌ی ڕاگه‌یه‌ندراوێكی فه‌رمانگه‌ی په‌یوه‌ندییه‌كانی ده‌ره‌وه‌ی حكوومه‌تی هه‌رێم، هه‌ریه‌كه له محه‌مه‌د حه‌كیم وه‌زیری ده‌ره‌وه‌ی عێراق و سه‌فین دزه‌یی سه‌رۆكی فه‌رمانگه‌ی په‌یوه‌ندییه‌كانی حكومه‌تی هه‌رێم ڕێككه‌وتوون له‌سه‌ر ئه‌وه‌ی عێراق بانگهێشتی هه‌ر كۆنگره و كۆنفرانسێكی نێوده‌وڵه‌تی بكرێت، هه‌رێمی كوردستانیش نوێنه‌ری خۆی له‌گه‌ڵ شانده‌كه‌ی عێراق ده‌نێرێت.
پێشتر له زۆر كۆنگره و كۆنفرانسی نێوده‌وڵه‌تیدا ته‌نیا عێراق بانگهێشت ده‌كرا و له نێو شاندی عێراقیشدا نوێنه‌ری هه‌رێمی كوردستان بوونی نه‌بوو.
هه‌روه‌ها له ڕاگه‌یێندراوه‌که‌دا ئاماژه به‌وه‌ش دراوه که فه‌رمانگه‌ی په‌یوه‌ندییه‌كانی ده‌ره‌وه‌ی هه‌رێم له پاڵ وه‌زاره‌تی ده‌ره‌وه‌ی عێراق له كۆنگره نێوده‌وڵه‌تییه‌كاندا به‌شدار ده‌بێت.
سه‌رچاوه: شارپرێس
کۆدی هه‌واڵنێر: 60103
Your Comment