نه‌سرین عه‌بدوڵڵا فه‌رمانده‌ی گشتیی یه‌کینه‌کانی پاراستنی ژنان (YPJ) گفتوگۆیێکی کورتی له‌گه‌ڵ هه‌واڵده‌ریی کوردپرێس ئه‌نجام دا و سه‌باره‌ت به ڕێککه‌وتنی نێوان ئه‌مریکا و تورکیا بۆ دروست‌کردنی ناوچه‌ی ئارام له باکووری سووریا ڕای‌گه‌یاند: ڕێککه‌وتنێک که بۆچوونی ئیداره‌ی خۆسه‌ری تێیدا نه‌بێت هیچ بایه‌خێکی نییه.
ناوبراو زیادی کرد: خاکه‌که‌مان که به خوێن‌ڕشتن ئازادمان کردووه ڕاده‌ستی تورکیای ناکه‌ین.
نه‌سرین عه‌بدوڵڵا گوتیشی: ڕێککه‌وتنه‌کان ده‌بێ له ڕێگای ئیداره‌ی خۆسه‌ره‌وه ئه‌نجام بدرێت و ئێمه هه‌رگیز ڕێگه ناده‌ین دووباره تورکیا جینایه‌ت له سووریا ئه‌نجام بدات.
فه‌رمانده‌ی گشتیی یه‌کینه‌کانی پاراستنی ژنان جه‌ختی کرده‌وه: باشتره ئه‌مریکا و هاوپه‌یمانانی به‌ئاگا بێنه‌وه که ئامانجی تورکیا داگیرکاری و دژایه‌تی له‌گه‌ڵ خه‌ڵکی کورده نه‌ک نیگه‌رانی له نائه‌منی له‌سه‌ر سنووره‌کانی که‌واته له ڕێگای هه‌ر بیانوویێکه‌وه ویستی داگیرکاری و قه‌تڵوعامی هه‌یه و ئێمه‌ش ئه‌و بابه‌ته قبووڵ ناکه‌ین.
کۆدی هه‌واڵنێر: 60103
Your Comment