بەپێی هەواڵی کوردپرێس، قایمقامێتیی شڕناخ لە بەیاننامەیێکی فەرمیدا ئاماژەی داوە بە ئۆپەراسیۆنەکانی هێزی ئاسایشی تورکیا لە ناوچەکانی بستلەر و دەڕەلر و ڕایدەگەیێنێت 22 بنکە و 4 هەماری PKKی دۆزیوەتەوە و لەو ئۆپەراسیۆنەدا چەکی پێشکەوتووی دژە تانکی ڕووسیی METIS کە مەودای 2 هەزار مەتری دەبڕێت، دۆزراوەتەوە.

مووشەکی دژە تانکی گەرماییی ڕووسی METIS، مەودای 2 کیلۆمەتری دەبڕێت و خێرایی 200 مەتر لە چرکەیێکدایە. چەکی METIS لەلایەن ڕووسیا، سووریا، ئێران، بوڵغارستان، کۆریای باکوور، ئەرمەنستان، بەنگلادش، هەنگاریا، ئۆکراین، کرۆڤاتیا و حیزبوڵڵای لوبنانه‌وه‌ بە کار دەبرێت.

سەرچاوە: هەواڵدەریی دۆغان

کۆدی هه‌واڵنێر: 60113