زاگرۆس به‌رخۆدان فه‌رمانده‌یێکی کوردی سوپای دیموکراتیکی سووریا ڕۆژی هه‌ینی 19ی گه‌ڵاڕێزان له‌ گفتوگۆیێکی ته‌له‌فۆنیدا به‌ هه‌واڵنێری نێوده‌وڵه‌تیی کوردپرێسی ڕا­­گه‌یاندووه‌: له‌ 62هه‌مین ڕۆژی ئۆپه‌راسیۆنی گه‌رده‌لوولی جزیره‌دا هێزه‌کانی کورد-عه‌ره‌ب توانیان گوندی ستراتێژیکی لوێزه‌ له‌ 34 کیلۆمه‌تری باشووری ڕۆژهه‌ڵاتی شاری ده‌یره‌لزوور له‌ داعش پاک بکه‌نه‌وه‌.

ناوبراو تیشکی خسته‌سه‌ر جووڵه‌ی شه‌وی ڕابردووی ئه‌و هێزانه‌ له‌ ڕۆژهه‌ڵاتی ڕووباری فورات و زیادی کرد: له‌و ئۆپه‌راسیۆنه‌دا 8 تیرۆریستی داعش کوژران و دوو ئۆتۆمبیلی زرێپۆشی داعش تێکشکێندران.

به‌رخۆدان درێژه‌ی پێدا: شه‌ڕه‌که‌ تا ده‌مه‌به‌یانیی ئه‌مڕۆکه‌ به‌رده‌وام بوو و سه‌رله‌به‌یانیی ئه‌مڕۆ سوپای دیموکراتیکی سووریا توانی به‌ ته‌واوه‌تی گونده‌که‌ کۆنتڕۆڵ بکات.

ئه‌وه‌ش له‌ حاڵێکدایه‌ ڕۆژی ڕابردوو هێزه‌کانی سوپای دیموکراتیک توانیان شارۆچکه‌ی "مه‌رگ­دێ" و 24 گوندی ئه‌و ده‌ڤه‌ره‌ ئازاد بکه‌ن. ئه‌و ناوچانه‌ش دوایین خاڵه‌کانن که‌ داعش له‌ پارێزگای حه‌سه‌که‌ به‌ده‌ستیه‌وه‌ مابوو.

کۆدی هه‌واڵنێر: 60104