بەپێی هەواڵی کوردپرێس، حەیدەر عەبادی جەختی کردەوە مەرجەی هەولێر سەبارەت بە ڕادەست کردنی نەوتی هەرێمی کوردستان بۆ بەغدا لە بەرامبەر تەرخان کردنی پشکی 17%ی لە بووجەی 2018 قبووڵ ناکات و بووجەی بەپێی عەدالەت لە نێوان هەموو پارێزگاکاندا دابەش دەکرێت.

ناوبراو وتیشی لە بووجەی 2018دا پشکی بووجە لە نێوان ناوچەکانی وڵاتدا بە پێی عەدالەت و حەشیمەتی دانیشتووی هەر پارارێزگایێک دابەش دەکرێت و پشکی هەرێمی کوردستانیش لە 17% و بۆ 12.67% دابەزیوە، ئامانج لەوەش سزادانی لایەنێکی تایبەت نییە.

پێشتر نێچیرڤان بارزانی سەرۆک وەزیرانی هەرێمی کوردستان لە کۆنفرانسێکی ڕۆژنامەوانیدا ڕای گەیاندبوو: ئەگەر بەغدا 17%ی بووجەی عێراق بۆ هەرێمی کوردستان تەرخان بکات، نەوتی خۆیان ڕادەستی بەغدا دەکەن.

لە بووجەی ساڵانی پێشوودا پشکی هەرێمی کوردستان لە بووجەی گشتیی عێراق 17% دیاری کرابوو، بەڵام لە ماوەی 4 ساڵی پێشوودا سەرەڕای پەسەند کردنی ئەو بووجەیە لە پەرلەمانی عێراق، ئەو پشکە ڕادەستی هەولێر نەکراوە.

کۆدی هه‌واڵنێر: 60113