بەپێی هەواڵی کوردپرێس، لیوا یه‌حیا ره‌سوڵ وته‌بێژی فه‌رمانده‌ی گشتیی هێزه چه‌کداره‌کانی عێراق لە زنجێرەیەک توویتدا بڵاوی کردەوە، مسته‌فا کازمی فه‌رمانی بۆ گۆڕین و دوو رخستنه‌وه‌ی چەندفەرماندە و بەرپرسێک دەرکردووە ئەوانیش:
یەکەم: دوور خستنه‌وه‌ی فه‌ریق روکن عامر سه‌دام بریکاری وه‌زاره‌تی ناوخۆ بۆ کاروباری هه‌واڵگری و راسپاردنی فه‌ریق ئه‌حمه‌د ئه‌بوو ره‌غیف بۆ به‌ڕێوه‌بردنی ئەو پۆستە.
دووەم: دوور خستنەوەی ئەبووعەلی بەسری لە بەرێوەبەری گشتیی هەواڵگری و تیرۆر لە وەزارەتی ناوخۆ و راسپاردنی حەمید شەتری.
سێیەم: گواستنه‌وه‌ی فه‌ریق قه‌یس محه‌مه‌داوی فه‌رمانده‌ی گشتی ئۆپراسیۆنه‌کانی به‌غدا بۆ وه‌زاره‌تی به‌رگری و راسپاردنی لیوار روکن ئەحمەد.
چوارم: دوور خستنه‌وه‌ی فه‌ریق روکن جه‌عفه‌ر به‌تات له پۆستی فه‌رمانده‌ی پۆلیسی فیدراڵی و راسپاردنی فه‌ریق روکن رائد شاکر جه‌وده‌ت.
پێنجەم :دوور خستنه‌وه‌ی لیوا باسم مه‌جید به‌ڕێوه‌به‌ری به‌شی هه‌واڵگری و ئاسایشی ئۆپراسیۆنه‌کانه له پۆسته‌که‌ی.
کۆدی هەواڵنێر: 60113
Your Comment