بەپێی هەواڵی کوردپرێس، زانا سەعید لە گفتوگۆ لەگەڵ هەواڵدەریی «الغدپرس»دا ڕای­گەیاند: کۆمەڵی ئیسلامی و بزووتنەوەی گۆڕان خوازیاری دواخستنی ڕیفراندۆم بوون و دەیانهەوێت ڕیفراندۆم هاوکات لەگەڵ هەڵبژادرنی سەرۆکایەتیی هەرێم و هەڵبژادرنی پەرلەمان بەڕێوە بچێت، بەڵام مەسعوود بارزانی ئاوڕ لەو داخوازییە ناداتەوە و مکووڕە لە سەر بەڕێوەچوونی ڕیفراندۆم لە کاتی دیاری کراودا.
ناوبراو وتیشی کۆمەڵی ئیسلامی و بزووتنەوەی گۆڕان تا کاتی بەڕێوەچوونی ڕیفراندۆم هەوڵ دەدەن ئەو گشتپرسییە بەپێی دەستووری عێراق بەڕێوە بچێت.
زانا سەعید زیادی کرد: پارتە سیاسییەکان ناتوانن ڕێگری لە بەڕێوەچوونی ڕیفراندۆم بکەن چوونکە مەسعوود بارزانی لەو باوڕەدایە دۆخی عێراق و تەعامولی بەغدا لەگەڵ هەرێمی کوردستان پاش شەڕی داعش خراپتر دەبێت، بەو بۆنەوە ڕوویان هێناوەتە بەڕێوەبردنی ڕیفراندۆم.
کۆدی هه‌واڵنێر: 60113
Your Comment