به‌پێی هه‌واڵی کوردپرێس، عوسمان بایده‌میر وته‌بێژی پارتی دیموکراتیکی گه‌لان پاش دیدار له‌گه‌ڵ زۆهتی ئه‌رسه‌ڵان، سه‌رۆکی دادگه‌ی ده‌ستووری تورکیا له گفتوگۆ له‌گه‌ڵ هه‌واڵنێراندا وتی: له‌و دیداره‌دا پێشێل کردنی مافی نوێنه‌رانی په‌رله‌مان، گوشارخستنه‌سه‌ر ده‌زگای داد، پاکتاوی سێیه‌مین پارتی گه‌وره‌ی تورکیا له په‌رله‌مانی ئه‌و وڵاته و پێشێل کردنی یاسا و ڕێساکان و ڕێککه‌وتننامه نێونه‌ته‌وه‌ییه‌کان و یاسایی خرایه گه‌ڕ. ئێمه تا ئه‌و کاته‌ی عه‌داڵه‌ت ده‌سته‌به‌ر نه‌بێت و دادگه‌کان به‌پێی ویژدان بڕیاری خۆیان ڕانه‌گه‌یاندووه درێژه ده‌ده‌ین به هه‌وڵه‌کانی ویژدان و عه‌داڵه‌تی خۆمان.
ناوبراو له درێژه‌ی وته‌کانیدا ڕوونیشی کرده‌وه: به‌و دیداره‌ش قانع نه‌بووین. هێشتاکه یاساشکێنی، پێشێل کردنی ده‌ستوور و هه‌ڵوه‌شانه‌وه‌ی ده‌سه‌ڵاتی دادگه‌ی ده‌ستوور به‌رده‌وامه. تا ئه‌و کاته‌ی ئه‌و که‌موکورتییانه به‌رده‌وام بێت دادگه‌کان به ئیراده‌ی ئازادی خۆیانه‌وه بڕیار ده‌رنه‌که‌ن و گوشاری سیاسی هه‌ڵنه‌گیرێت ئێمه درێژه به ڕێبازه‌که‌مان ده‌ده‌ین. ئێمه وه‌کوو ئه‌و که‌سانه‌ی سته‌میان لێکراوه لێره داکۆکی بۆ مافی خۆمان ده‌که‌ین و به دوای عه‌داڵه‌ته‌وه‌ین.
سه‌رچاوه: ڕۆژنامه‌ی دیوار
کۆدی هه‌واڵنێر: 60104
Your Comment