محه‌مه‌د فه‌لاحی فه‌رمانداری بانه‌ له‌ گفتوگۆ له‌گه‌ڵ کوردپڕێسدا وتی: پاش کوژرانی 2 کۆڵبه‌ر، دوو گرووپی چاودێری و پشکنین له‌ تارانه‌وه‌ بۆ لێکدانه‌وه‌ی دۆسیه‌که‌ گەیشتنە بانه‌.

ناوبراو درێژه‌ی دا: ئه‌و دوو گرووپه‌ پشکنینه‌ له‌ وه‌زاره‌تی ناوخۆ و پشکنینی وڵات به‌ مه‌به‌ستی تاوتوێ کردنی بابه‌ته‌کە هاتنه‌ بانه‌ و له‌ حاڵی لێکدانه‌وه‌ی بابه‌ته‌که‌ن.

فه‌رمانداری بانه‌ له‌ درێژه‌دا ڕای­گه‌یاند: ئێستا دۆخی بازاڕ و چالاکیی کاسبکاران و بازاڕیانی شاری بانه‌ ئاساییه‌ و هاووڵاتییان سه‌رقاڵی چالاکین.

شیاوی ئاماژه‌یه‌ که‌ ڕۆژی ڕابردوو متمانه‌پێکراوانی شاری بانه، کاسبکاران و بازاڕیان و کۆمه‌ڵگای ڕیفۆرمخوازان له‌گه‌ڵ به‌رپرساندا کۆ بوونه‌وه‌ و له‌و کۆبوونه‌وه‌یه‌دا داواکاری هاووڵاتییان له‌وان کۆتایی هێنان به‌ کوشتنی کۆڵبه‌ران، سزادانی بکه‌رانی کوژرانی کۆڵبه‌ران، شه‌فاف سازی فه‌رمانداری بانه‌ له‌سه‌ر چالاکییه‌کانی و ... به‌ گوێ به‌رپرسان گه‌یاندووه‌.

کۆدی هه‌واڵنێر: 60104