به‌پێی هه‌واڵی کوردپرێس، ڕیناس جانۆ له گفتوگۆ له‌گه‌ڵ ماڵپه‌ڕی هه‌واڵیی "بغداد الیوم"دا وێڕای ئاماژه به‌وه‌ی که هیچ جۆره ناکۆکییێک له نێوان مه‌سعوود بارزانی سه‌رۆکی هه‌رێمی کوردستان و نێچیرڤان بارزانی جێگره‌که‌ی سه‌باره‌ت به به‌ڕێوه‌چوونی گشتپرسیی هه‌رێم له‌ئارادا نییه، ڕای‌گه‌یاند: تێکڕای بڕیاره‌کان له هه‌رێمی کوردستان به دوای کۆبوونه‌وه‌ی مه‌کته‌بی سیاسیی پارتی ده‌گیردرێته‌به‌ر و هه‌رگیز مه‌سعوود بارزانی بڕیارێکی یه‌کلایه‌نه ناگرێته‌به‌ر.
ناوبراو جه‌ختی کرد: قسه کردن له‌باره‌ی ناکۆکییه ناوخۆییه‌کان له پارتی دیموکراتی کوردستان خه‌ونێکه که هه‌رگیز ده‌سته‌به‌ر نابێت.
جانۆ سه‌باره‌ت به پشتیوانیی عه‌ره‌بستان له به‌ڕێوه‌چوونی گشتپرسیی هه‌رێمی کوردستان وتیشی: ڕیاز جگه له یارمه‌تیی دارایی به ئاواره عێراقییه‌کان له هه‌رێمی کوردستان هیچ جۆره یارمه‌تییێکی دیکه‌ی ئاراسته‌ی هه‌ولێر نه‌کردووه.
ناوبراو جه‌ختیشی کرد: ڕاپۆرته‌کان له‌باره‌ی پشتیوانیی سیاسیی ڕیاز له هه‌ولێر بۆ به‌ڕێوه‌چوونی گشتپرسیش دووره له ڕاستی.
کۆدی هه‌واڵنێر: 60103
Your Comment