بەپێی هەواڵی کوردپرێس سەجاد ئیسفەندیاری لەو بارەیەوە بە هەواڵنێرانی ڕاگەیاند: ئەو کێبەرکێیە لە دوو بەشی تفەنگ و دەمانچەدا ڕۆژی 11ی خەرمانان بۆ ماوەی 4 ڕۆژ و بە بەشداریی زیاتر لە 131 وەرزشوانی ژن و پیاو لە 22 پارێزگای ئێرانەوە لە تیری تەمەنی نەونەمامان و لە هۆڵی فیدراسیۆنی تیرهاویشتنی تاران بەڕێوە چوو.

ناوبراو درێژەی پێدا: پاش تیپی ئازەربایجانی ڕۆژئاوا دوو تیپی یەزد و ئیلام پلەی دووهەم و سێهەمیان وەدەست هێنا.

ئیسفەندیاری زیادی کرد: پێشبڕکێی بەشی خانمان شەوی یەکشەممە 12ی خەرمانان کۆتاییی پێهات و لە بەشی دەمانچەدا تیمی ئازەربایجانی ڕۆژئاوا نازناوی پاڵەوانێتیی ئەو خولەی مسۆگەر کرد و بانگهێشت کرا بۆ ئۆردووی پاڵێوراوانی تیپی ئێران.

کۆدی هەواڵنێر: 60101