به‌پێی هه‌واڵی کوردپرێس، سه‌رڕاهێنه‌ری تیمی نه‌ته‌وه‌ییی گه‌وره‌ساڵانی زۆرانبازیی فه‌ره‌نگی 18 زۆرانبازی له‌ کێشی 59، 66، 71، 75، 80، 85، 98 و 130 کیلۆ بۆ ئۆردووی تیمی نه‌ته‌وه‌یی بانگهێشت کرد.

به‌گوێره‌ی ڕاپۆرته‌که‌ سامان عه‌زیزی له‌ کێشی 85 کیلۆ، سامان ته‌هماسبی سه‌رکه‌وتووترین زۆرانبازی فه‌رهه‌نگی­کاری کوردستانی به‌ مه‌به‌ستی به‌شداریی له‌ کێبه‌رکێیه‌ ئاسیاییه‌کانی تورکمانستان له‌ لایه‌ن عه‌لی ئه‌شکانییه‌وه‌ بانگهێشت کراون.

زۆرانبازان بۆ ماوه‌ی 11 ڕۆژ له‌ ژێر چاودێریی کادیری ته‌کنیکیی فیدراسیۆندا پرۆڤه‌ی ئاماده‌یی و ته‌کنیکی ئه‌نجام ده‌ده‌ن.

شیاوی ئاماژه‌یه‌ کێبه‌رکێیه‌ ئاسیاییه‌کان کۆتاییی مانگی خه‌رمانان له‌ تورکمه‌نستان به‌ڕێوه‌ ده‌چێت و سامان عه‌زیزی وه‌رزشوانی کوردستانی وه‌کوو زۆرانبازێکی ئێرانی له‌و کێبه‌رکێیانه‌دا ئاماده‌ ده‌بێت و سامان ته‌هماسبیش وه‌کوو ڕاهێنه‌ر یاریده‌ده‌ری تیمی نه‌ته‌وه‌یی ده‌بێت.

کۆدی هه‌واڵنێر: 60104