ه‌پێی هه‌واڵی کوردپرێس، به‌هرام پارسایی وته‌بێژی فراکسیۆنی ئۆمیدی په‌رله‌مان ئاماژه‌ی دایه به‌ڕێوه‌چوونی هه‌ڵبژاردن بۆ دیاریکردنی پێکهاته‌ی ده‌سته‌ی سه‌رۆکایه‌تیی فراکسیۆنی ئۆمید بۆ ساڵێکی دیکه و وتی: به‌پێی په‌یڕه‌وی ناوخۆ بۆ دووهه‌مین ساڵ، ڕۆژی ڕابردوو له کۆمه‌ڵه‌ی گشتیی فراکسیۆنی ئۆمید هه‌ڵبژاردنی ده‌سته‌ی سه‌رۆکایه‌تی به‌ڕێوه‌چوو.
نوێنه‌ری خه‌ڵکی شیراز له مه‌جلیسی ده‌یه‌می شۆرای ئیسلامی ڕای­گه‌یاند: محه‌مه‌دڕه‌زا عارف به زۆرینه‌ی ده‌نگه‌وه وه‌کوو سه‌رۆکی فراکسیۆنی ئۆمید و هه‌شت که‌سیش له ئه‌ندامانی فراکسیۆن وه‌کوو ده‌سته‌ی سه‌رۆکایه‌تی هه‌ڵبژێردران که ئه‌مڕۆ له کۆبوونه‌وه‌ی ده‌سته‌ی سه‌رۆکایه‌تییدا به‌رپرسیاریێتی ئه‌و که‌سانه دیاری کرا.
ناوبراو وتیشی: محه‌مه‌دڕه‌زا تابش و عه‌بدولکه‌ریم حسێن زاده وه‌کوو جێگری سه‌رۆک و فاتمه سه‌عیدی و ئێلیاس حه‌زره‌تی وه‌کوو چاودێرانی ده‌سته‌ی سه‌رۆکایه‌تی هه‌ڵبژێردران.
ئه‌و نوێنه‌ره‌ی په‌رله‌مان ئاماژه‌ی دایه ئه‌وه‌ی که ئێستا به‌رپرسیارێتی وته‌بێژیی فراکسیۆنی له ئه‌ستۆدایه و زیادی کرد: مسته‌فا که‌واکبیان، عه‌لیڕه‌زا ڕه‌حیمی و عه‌لی نه‌جه‌فی خۆشروودی وه‌کوو بڕیارده‌رانی ده‌سته‌ی سه‌رۆکایه‌تی بۆ ماوه‌ی یه‌کساڵ هه‌ڵبژێردران.
کۆدی هه‌واڵنێر: 60104
Your Comment