بەپێی هەواڵی کوردپرێس، وەزیری ناوخۆی تورکیا، سولەیمان سۆیڵو بە ئاماژەدان بەوەی کە هەندێک لە باڵیۆزەکان بەیاننامەیان دەرکردووە بە مەبەستی "دەستوەردان لە یاسای تورکیا" و "ناسەقامگیرکردنی تورکیا"، سەرنجی بۆ ئەوە راکێشا کە ئەمریکا و رۆژئاوا نایانەوێت تورکیا لەم جوگرافیایەدا ئازاد و سەربەخۆ بێت.
سولەیمان سۆیڵو دەربارەی بڕیاری سوید، دانمارک و هۆڵەندا بۆ داخستنی کۆنسولخانەکانیان، گوتی: "لە کاتێکدا ئامانجمان بوو ژمارەی گەشتیاران بگەیەنینە ٦٠ ملیۆن، جەنگێکی دەروونی نوێ دژمان دەستی پێ کردووە. ئەوە بەشێکە لە پیلانێکی گەورە کە لەناو ئەواندا بەرنامەی بۆ داڕێژراوە".
Your Comment