کوردپرێس:
بۆكان حه‌سه‌ن که گه‌نجێکى دانیشتووى هه‌ڵه‌بجه‌یه و خاوه‌نی بڕوانامه‌ی سوپاسگوزاری له كۆمپانیای گوگڵه له لێدوانێكیدا ده‌رباره‌ى خه‌ڵاته‌که ڕایگه‌یاندووه: دوای نزیكه‌ی 8 ساڵ كاركردنی بۆ چه‌سپاندنی زمانی كوردی و وه‌رگێڕانی نزیكه‌ی 100 هه‌زار داتای وه‌رگێڕان توانیویه‌تى ئه‌و كاره به كۆتا بگه‌یه‌نێت و له ئێستا زمانی كوردی له كۆمه‌ڵگه‌ی گوگڵ خاوه‌ن داتابه‌یسێكی پارێزراو و پڕ له داتایه.
ناوبراو ڕاشیگه‌یاندووه که له پای ئه‌و كارانه‌ى که کردوویه‌تى تیمی په‌ره‌پێده‌ری كۆمپانیای گوگڵ بڕوانامه‌ی سوپاسگوزاریان پێ به‌خشیوه.
ده‌رباره‌ى خه‌ڵاته‌که بۆکان حه‌سه‌ن گوتی: "ئه‌م بڕوانامه‌یه ده‌بێته قه‌ڵغانێک بۆ پاراستنی زمانی كوردی له هه‌موو پێگه‌كانی گوگڵدا ".
ناوبراو ده‌رباره‌ى چالاکییه‌کانى و به‌رده‌وامیی هه‌وڵه‌کانى ئاماژه‌ى به‌وه کرد که له‌لایه‌ن تیمی په‌ره‌پێده‌ری كۆمپانیای گوگڵ له نووسینگه‌ی گوگڵ له ئه‌مریكا و هیندستان له ڕێگه‌ی google hangout بانگهێشت كراوه بۆ قسه‌كردن له‌سه‌ر كیبۆردی كوردی له Gboard بۆ ئایفۆن و ڕازی بوون به دانانی له ئاینده‌یێكی نزیكدا.
کۆدی هه‌واڵنێر: 60103
Your Comment