به‌پێی هه‌واڵی کوردپرێس، هێزه‌کانی ناسراو به‌ "هێزی ڕزگاریی عه‌فرین" که‌ پاش داگیرکردنی ئه‌و شاره‌ له‌لایه‌ن هێزه‌کانی سوپای تورکیا- سوپای ئازادی سووریاوه‌ بۆ ئازادکردنه‌وه‌ی عه‌فرین پێکهاتوونه‌ به‌یاننامه‌یێکیان له‌باره‌ی پێکدادانی ئه‌مدواییه‌ی خۆیان له‌گه‌ڵ هێزی سوپای ئازادی سووریا له‌ ناوچه‌ی مارع بڵاو کرده‌وه‌ و ڕایان‌گه‌یاند: له‌ درێژه‌ی ئۆپه‌راسیۆنه‌کانمان بۆ سه‌ر هێزه‌کانی سوپای تورکیا و سوپای ئازادی سووریا له‌ عه‌فرین و ده‌وروبه‌ریدا سێ هێزی سوپای ئازادی سووریا له‌ پێکدادان له‌گه‌ڵ هێزی ڕزگاریی عه‌فرین له‌ مارع کوژران و 2ی دیکه‌ش بریندار بوون.

له‌ به‌یاننامه‌که‌دا هاتووه‌: هێزی ڕزگاریی عه‌فرین له‌ باشووری مارع به‌ به‌کارهێنانی چه‌کی سووک و نیوه‌قورس بنکه‌ و باره‌گای سوپای ئازادی سووریایان کردۆته‌ ئامانج که‌ له‌و هێرشانه‌دا زه‌برێکی قورس له‌ یه‌که‌کانی سوپای ئازادی سووریا دراوه‌.

سه‌رچاوه‌: هه‌واڵده‌ریی هاوارنیووز

کۆدی هه‌واڵنێر: 60103