به‌پێی هه‌واڵی کوردپرێس، سه‌رچاوه‌یێکی ئاگاداری پۆلیسی عێراق به‌ ماڵپه‌ڕی سۆمه‌ریه‌ نیووزی وتووه‌: هێزه‌کانی فیرقه‌ی 3ی پۆلیسی فیدڕاڵی عێراق به‌ یارمه‌تیی یه‌که‌ هه‌واڵگرییه‌کان هه‌موو ئه‌ندامانی باندێکی به‌قاچاخ‌بردنی مرۆڤیان ده‌ستبه‌سه‌ر کرد که‌ 8 ژن و 1 پیاو بوون.

سه‌رچاوه‌ ئاگاداره‌که‌ که‌ نه‌یویستووه‌ ناوه‌که‌ی بدرکێندرێت گوتیشی: ئه‌ندامانی ئه‌و بانده‌ به‌ هاوکاریی به‌شی به‌رپه‌رچدانه‌وه‌ی قاچاخی مرۆڤ له‌ پۆلیسی ناوچه‌ی ڕه‌سافه‌ وه‌کوو به‌شی خۆڕهه‌ڵاتی شاری به‌غدا له‌ کاتی ئه‌نجامدانی تاواندا ده‌ستبه‌سه‌ر کراون.

ناوبراو جه‌ختیشی کرده‌وه‌: ئۆپه‌راسیۆنی ده‌ستبه‌سه‌رکردنی تۆمه‌تباره‌کان به‌ پشتبه‌ستن به‌ حوکمی دادوه‌ر ئه‌نجام دراوه‌ و ده‌ستبه‌سه‌رکراوانیش ڕاده‌ستی لایه‌نه‌ په‌یوه‌ندیداره‌کان کراون.

کۆدی هه‌واڵنێر: 60103