کوردپرێس:
ئانتۆنیۆ گۆتێرێس ئه‌مینداری گشتیی نه‌ته‌وه‌یه‌کگرتووه‌کان له ڕاپۆرتێكدا كه سه‌باره‌ت به هه‌ڕه‌شه‌كانی داعش پێشكه‌شی ئه‌نجومه‌نی ئاسایشی نێوده‌وڵه‌تی كردووه ئاشكرای كردووه که گروپوی تیرۆریستیی داعش دوای ڕووخانی خه‌لافه‌ته‌كه‌ی له عیراق و سووریا و نه‌بوونی هیچ پشتیوانییێكی دارایی بۆ داگیركردنی ناوچه‌كان به‌ڵام هێشتا خاوه‌نی 300 ملیۆن دۆلاره.
ناوبراو ڕوونیشی كردووه‌ته‌وه که كه‌مبوونه‌وه‌ی ڕێژه‌ی په‌لاماره‌كانی داعش كاتییه و به دوور نازانرێت ئه‌و پاره‌یه‌ی هه‌یه‌تی له ڕێگه‌ی كۆمپانیا ناڕه‌سمییه‌كانه‌وه به‌كاری بهێنێت بۆ پشتیوانی له كرده‌وه‌كانی له عێراق و سووریا و وڵاتانی‌تر.
ئانتۆنیۆ گۆتێرێس جه‌ختی کرده‌وه که داعش هه‌وڵه‌کانی بۆ به‌رزکردنه‌وه‌ی ئاستی خۆژینیی داراییی خۆی چڕ ده‌کاته‌وه ئه‌وه‌ش له ڕێگای پشتیوانان و گرووپه‌کانی سه‌ر به خۆی له شوێنه‌کانی دیکه وه‌ک ڕۆژهه‌ڵاتی ناوه‌ڕاست و کیشوه‌ری ئه‌فریقا و ئاسیا.
سه‌رچاوه: هه‌واڵده‌ریی سۆمه‌ریه نیووز
کۆدی هه‌واڵنێر: 60103
Your Comment