بەپێی هەواڵی کوردپرێس، بەگوێرەی ڕاگەیەنراوێکی کونسوڵگەریی ئێران لە سلێمانی، لەو دیدارەدا مەهدی شووشتەری سەرکونسوڵی کۆماری ئیسلامیی ئێران پاڵپشتی و هاوکاریی سەرۆکایەتی و سەرجەم بەرپرسانی یەکێتی نیشتمانی کوردستانی کرد بۆ پەرەپێدانی پەیوەندییەکانی ئێران و هەرێمی کوردستان بەتایبەت سنووری سلێمانی لە ڕەهەندە جیاوازەکاندا.

ئاماژە بەوەش کراوە، هەردوولا ئاماژەیان بە پەیوەندییە مێژوویی و برایەتییەکانی نێوان کۆماری ئیسلامیی ئێران و یەکێتی نیشتمانی کوردستان کرد و جەختیان لەسەر پتەوکردنی پەیوەندییەکانی نێوان هەردوولا کردەوە.