بەپێی هەواڵی کوردپرێس، شیروان میرزا ئەندامی لیژنەی دارایی لە ئەنجومەنی نوێنەران بە"میللەت"ی ڕاگەیاند بەگوێرەی ڕەشنووسی پرۆژە بودجەی2021 كە بەدەستمان گەیشتووە بۆ ئەمساڵیش ژمارەی فەرمانبەرانی هەرێم لە پرۆژە یاساكە هەر 682 هەزار فەرمانبەرە.

ناوبراو ڕوونیشی كردەوە ئێمە وەكوو نوێنەرانی كورد لە لیژنەی دارایی هەموو هەوڵێكی خۆمان دەدەین كە ئەو ژمارەیەی بۆ فەرمانبەرانی هەرێمی كوردستان لەپرۆژەكە دانراوە زیاد بكرێت و ناكرێت لە ساڵی 2011ەوە هەر 682 هەزار فەرمانبەر بۆ هەرێمی كوردستان دیاری بكرێت و گۆڕانكاری تێدا نەكرێت.

ئەندامەكەی لیژنەی دارایی باسی لەوەكرد ئەگەر پرۆژەكە و پشكی هەرێمیش دیاری بكرێت بەشێكی پەیوەندی بە ژمارەی فەرمانبەرەوە هەیە بۆیە هەوڵ دەدەین لە بەرژەوەندی كورد گۆرانكاری لەو بڕگەیەدا بكەین و ئەوەی ئەركی ئێمە بێت جێبەجێی دەكەین.

کۆدی هەواڵنێر: 60113