کوردپرێس:

به‌پێی راگه‌یه‌ندراوێكی سه‌رۆكایه‌تی كۆماری عێراق، بەرهەم ساڵح، سەرۆک کۆماری عێراق ئەمڕۆ چوارشەممە (7 ی ئەیلولی 2022) لە بەغدا پێشوازیی کرد لە عەممار حەکیم، سەرۆکی رەوتی حیکمەی نیشتمانی، لە دیدارەکەدا گفتوگۆکرا لەبارەی بارودۆخی گشتیی عێراق و پێشهاتە سیاسییەکان.

له‌ كۆبونه‌وه‌كه‌، جەخت کرایەوە لەگرنگیی پتەو کردنی سەقامگیری وڵات و پاراستنی ئاسایشی هاوڵاتیان و پشت بەستن بە سازان و دیالۆگ بۆ چارەسەرکردنی قەیرانی سیاسی بەئاڕاستەی پاراستنی بەرژەوەندییە نیشتمانییەکان و هێنانەئاراوەی داوا رەواکانی خەڵک.