بەپێی هەواڵی کوردپرێس، مەسعوود بارزانی سەرۆکی پارتی دیموکراتی کوردستان له‌ په‌یامه‌که‌دا ڕاشیگه‌یاند: هیوادارم هەموو لایەک هەست بە بەرپرسیارێتی بکەن و دان بەخۆیاندا بگرن و بۆ یەکلایی کردنەوەی ناکۆکییەکانیان چەک و توندوتیژی بەکار نەهێنن.

هه‌روه‌ها ڕایگه‌یاند: هیوادارم بیر لەو چارەسەرانە بکەنەوە کە خێر و بەرژەوەندیی گەل و وڵاتی تێدا بێت.

ده‌قی په‌یامه‌که‌ی بارزانی بەم شێوەیە.

بەناوی خودای بەخشندە و میهرەبان

زۆر نیگەرانین بەرانبەر ڕووداو و پەرەسەندنەکانی ئەم دواییەی عێراق. هیوادارم هەموو لایەک هەست بە بەرپرسیارێتی بکەن و دان بەخۆیاندا بگرن و بۆ یەکلایی کردنەوەی ناکۆکییەکانیان چەک و توندوتیژی بەکار نەهێنن. هیوادارم بیر لەو چارەسەرانە بکەنەوە کە خێر و بەرژەوەندیی گەل و وڵاتی تێدا بێت.