بەپێی هەواڵی کوردپرێس، کاروان گه‌زنه‌یی ئه‌ندامى په‌رله‌مانى کوردستان ڕایگه‌یاند، به‌هۆى به‌رده‌وامى ئه‌و گه‌مارۆ داراییه‌ى خراوه‌ته سه‌ر پارێزگاى سلێمانى و ناوچه‌کانى ده‌وروبه‌رى کشانه‌وه‌ى یه‌کێتىی نیشتمانیی کوردستتان له حکوومه‌تی هەرێم ئێستا ئه‌گه‌رێکى نزیک و به‌هێزه.
ناوبراو ووتیشى، ئه‌م جۆره ئه‌قڵیه‌ته له حوکمڕانىی هه‌رێمى کوردستان به‌رده‌وام بێت چاره‌نووسێکى ره‌ش چاوه‌ڕێى هه‌رێمى کوردستان ده‌کات.
یه‌کێتى نیشتیمانى کوردستان بۆیه‌که‌مجار له‌سه‌ر زارى بافڵ تاڵه‌بانى سه‌رۆکى حزبه‌که‌وه ڕایگه‌یاند، سلێمانى گه‌مارۆى دارایی خراوه‌ته‌سه‌ر و ئه‌گه‌ر گه‌مارۆکان به‌رده‌وامبن ئه‌گه‌رى کشانه‌وه‌یان له حکوومه‌ت هه‌یه.
Your Comment