کوردپرێس:
عه‌لى حه‌مه‌ساڵح سه‌رۆکى فراکسیۆنى گۆڕان له په‌رله‌مانی كوردستان له نووسینێكدا نوسیوویه‌تی: "له ئیستادا سیاسه‌تێکی ژێرانه و واقع‌بینانه و باشترین بژارده‌ش بۆ هه‌رێمی کوردستان له‌پێناو ئه‌وه‌ى تووشی قه‌یرانێکی قوڵ نه‌بێت ڕێککه‌وتنێکی سه‌نگینه له‌گه‌ڵ عادل عه‌بدولمه‌هدی چوونکه هیچ سه‌رۆک وه‌زیرانێک وه‌ک عادل عه‌بدولمه‌هدی دڵسۆزانه نایه‌وێت کێشه‌ی هه‌رێمی کوردستان و به‌تایبه‌ت بۆ بودجه چاره‌سه‌ر بکات."
سه‌رۆکى فراکسیۆنى گۆڕان له په‌رله‌مانی كوردستان نهێنى بڕیاره‌کانى سه‌ربه‌خۆیى فرۆشتنى نه‌وت و شکستهێنانى ئه‌و سیاسه‌ته ئاشکرا ده‌کات و خه‌مڵاندن و هۆکارى گرفت و قه‌یرانه‌کانى ڕابردوو ده‌خاته‌ڕوو به شێوه‌یێک که ئێستا ته‌نیا (10%)ى ئه‌و بڕه‌پاره‌یه‌ى پێشتر باس ده‌کرا وه‌ک داهاتی نه‌وت ده‌گاته وه‌زاره‌تی دارایی.
عه‌لی حه‌مه‌ساڵح ئه‌وه‌شی خستووه‌ته‌ڕوو: "بۆ ئه‌وه‌ى له (2020) هه‌رێمى کوردستان تووشی قه‌یرانێکی گه‌وره نه‌بێت "باشترین بژارده ڕێککه‌وتنه له‌گه‌ڵ عادل عه‌بدولمه‌هدی" ئه‌وه‌ش له‌سه‌ر بنه‌ماى دیراسه‌ی ورد، پێشبینی واقیعی و لێکدانه‌وه‌ی ئه‌گه‌ره‌کان پێش دانووستان".
سه‌رچاوه: شارپرێس
کۆدی هه‌واڵنێر: 60103
Your Comment